0

Closure Mo, Mukha Mo

DSC_0110 copy

“Nakipagkita ka?”

“Oo para may closure.”

HAHAHAHAHAHAHA. Dinig na dinig hanggang outer space.

“Gusto mo lang siyang isex!”

“Eto naman. Break-up sex. One last for the road.”

Nagdasal muna ako ng tatlong segundo. Kinalma ‘yung sarili bago pinalipad ‘yung hawak kong libro.

“Six months na kayong break! Bukas ha, daan tayo sa vulcanizing shop. Patingnan natin ‘yang naaagnas mong utak.”

 

Ang closure ay kasama ng pagmomove forward. Pero tayo mismo ang nagbibigay niyan sa sarili natin. ‘Yung tipong gumamit ka ng Whisper napkin with extra wings sabay sisigaw ng I feel free. Hindi nakakatulong sa pagmomove on ‘yung pagpupumilit mong sundan, kausapin ‘yang ex mo at ungkatin ang nakaraan. Siopao asado moves ang tawag dyan. Gusto mo lang ibangon ‘yang self-esteem mong nasa laylayan. Validation sa self kumbaga. Sabi nga ni Duterte kagabi, “Don’t fuck with me! Letse kayo!”

Kapag ang isang bagay ay tapos na kelangan mong dahan-dahang tanggapin at ikondisyon ang sarili na tapos na. Hindi ‘yung maghahanap ka ng closure sa kanya. Isa itong malaking ka-echosan. Repeat after me, “isang malaking ka-echosan.”

Dalawa lang naman ‘yan – either gusto mo talagang magmove on kaya clinaim mo na lahat ng closure sa sarili mo o feeling hopia ka pa rin at steady lang. Sabay stalk sa lahat ng social media accounts niya careful na hindi malike ‘yung mga photos at status niya.

Maniwala tayo kay Krissy, “Kapag ang baso ay nabasag, wag mong piliting pulutin ‘yung mga basag. Mas masakit. Mas nakakaiyak.” Move forward with yourself at ‘wag maging dependent sa probability ng isang closure kasama siya. Para anu pa? Para pag-usapan kung sinong nakabasag? Kung anu-anung mga nangyari bago nabasag? Pagkatapos mabasag? Anu’ to SOCO? Once basag, you cannot put it back.

Bakit hindi ikaw na mismo ang kusang magclose ng kung anumang bukas na siyang nagiging dahilan ng gabi-gabing pag-inom ng emperador light. Respeto naman dyan. Sa kapitbahay mong naririndi na sa kanta mong All by myself. Tiwala lang. Hindi mo kelangan ng closure (with him) kung gusto mo talagang magmove on. Darating ka rin dun. Carefully. Slowly.

Landiin mo na lang muna ‘yung gwapong tambay sa kanto! Charot. Go out but don’t multiply.

 

Advertisements
0

Push mo ‘yan, Cookie

Dub dub… dub dub…

Dumaan ka lang pero biglang bumilis ang tibok ng puso ko.

Jeffff! Hiiiii!” Tinawag kita. Ngumiti. Kumaway na parang nanalo sa isang beauty pageant.

Bigla kang tumingin sa akin. Tumitig. ‘Yung intense. ‘Yung parang gusto mo akong kainin ng buhay. Magsabi ka lang, anumang oras, sa’nmang lugar! Gaaaammee.

Kaya ngumiti pa ako lalo. Tinodo ko na. Kahit ang sakit sa ngala-ngala. Sana nadala ka. Sana napantayan ko ‘yung ngiti mong pang-ulam sa umaga.

Tumabi ka nga!” Ba’t ba ang tamis ng ‘yung boses? Parang araw-araw lumalamon ka ng minatamis.

 

Ganito lagi ang ating eksena. Lagi kitang inaabangan para pagdaan mo, andun na ako. Sabi ko naman sa’yo para akong anino mo, paglabas mo, makikita mo.

 

Naaalala mo ba nung unang beses mo akong kinausap? Sabi mo,

“Ninja ka ba!?” Yiiiiii. Ikaw ha. Pumipick-up line!

Bakit? Kasi NINJAn lang ako sa puso mo?”

“Hindi, gago! Bigla-bigla ka na lang sumusulpot!

 

Nung nakaraang Araw ng mga Puso, nag-iwan ka ng isang dosenang pulang rosas at isang cute na cute na teddy bear. Ang nakalagay, “To my one and only.”

Aba, sino ba ‘yun?!

Malamang ako! Sympre, kinuha ko! Sabay instagram at post sa Facebook. Tinag pa nga kita.

Nampuchaaaaaaaaaaa!” Unang comment mo. Para kang mauubusan ng letrang a. Umamin ka, kinikilig ka noh?

Hindi para sa’yo yan! Ibalik mo! Kung hindi irereport kitang magnanakaw!” Pangalawang comment mo.

Teka lang, ikaw kaya ang magnanakaw! Ninakaw mo ang puso ko!

 

Nung isang araw naman, bumisita ako sa bahay niyo. Hinabol mo pa ako at pinakilala mo lang naman sa Mama mo. Hihi.

“Ma, she’s baliw!”

‘Yun nga lang mali yata ‘yung nasabi mong pangalan. Sino si Baliw? Cookie kaya ako! Sige, pwede na muna ‘yan. Malapit na ang B sa C. Isang kembot lang.

Kaya nung sumunod na araw, sinigurado ko na kilala mo ako!

Sinabihan kita ng, “I love you!”

Ang sabi mo, Coookieee! Coookiengina mo!”. Gusto ko tuloy magpaparty! Achievement! Tandang-tanda mo ang pangalan ko.

 

Hayan, tapos na ‘yung huli mong klase. Dadaan ka na naman. Ikaw talaga, alam na alam mong andito lang ako. Daan ka naman ng daan. Stalker yata kita, eh!

Nakita na kita! May kasama kang pulis. Binulungan mo siya sabay turo sa’kin. Pinag-uusapan niyo ba ako? Ang sweeeeet! Haba ng hair!

“Miss, may kaso ka, trespassing.” Tumingin naman ako sa’yo. Ikaw kaya ang trespassing. Minu-minuto, lagi ka na lang pumapasok sa puso at isip ko.

Bakasyon ka muna sa kulungan.” Sabi pa nung mamang pulis. Ang dinig ko pa, bibisitahin mo raw ako. May court hearing sa susunod na linggo. Bigla akong na-excite! Dapat magandang-maganda ako. Okay lang yan, nakabakasyon naman ako. Walang stress, walang pressure.

Ngumiti ako, sabay sabi ng,

“See you! ‘Wag mo akong masyadong mamimiss ha!”

————-

Minsan masarap daw maging baliw kasi everything is a bliss. Parang ang mundo ay isang malaking candy store. Makulay. Masaya.

This is not meant to ridicule anyone. But, just a funny take on things. We actually have to learn a lesson here, life is better when we see things positively. It’s a matter of perspective. Happiness comes from within. *wink*